SANTIAGO DE COMPOSTELA, 29 Jun. (EUROPA PRESS) -
O incendio forestal que se declarou este luns na parroquia de Calo, en Teo (A Coruña), quedou controlado ás 21,44 horas tras queimar 20 hectáreas.
Segundo informa a Consellería de Medio Rural, a 'situación 2' que se activara por proximidade a vivendas --que pon en marcha medidas preventivas por iso-- quedou desactivada.
Aínda seguen activos lumes en Boborás (Ourense), onde catro focos arrasaron unhas 40 hectáreas polo momento, e en Sober (Lugo), cunhas 15 hectáreas calcinadas, pero estabilizado dende as 22,30 horas, aproximadamente, e tramitándose a desactivación das medidas preventivas por proximidade a casas.