Os traballadores contra incendios terán a categoría de bombeiro forestal

SANTIAGO DE COMPOSTELA, 30 Ago. (EUROPA PRESS) -

A Xunta e as organizacións sindicais representativas do Servizo de Prevención e Defensa Contra Incendios Forestais chegaron este martes a un acordo a partir do cal se considerará os traballadores contra incendios como bombeiros forestais, unha petición reiterada deste colectivo.

Segundo informou a Administración autonómica a través dun comunicado, a conselleira de Medio Rural, Ángeles Vázquez, reuniuse con membros de CIG, UGT, CC.OO. e CSIF, encontro no que se chegou a este pacto, que tamén inclúe a progresiva implantación dunha segunda actividade para os empregados de maior idade.

Neste sentido, a Xunta sinalou que ambas as dúas partes recoñeceron os riscos laborais de este colectivo, por o que creron necesario a implantación "voluntaria" de tarefas de prevención e apoio loxístico para aquelas persoas con 60 anos cumpridos e que non se acolleran á xubilación parcial. Así, non participarán de forma directa nos labores de extinción de incendios.

O Goberno galego asegurou que este acordo, no seu conxunto, beneficiará a 2.000 profesionais do servizo de loita contra incendios e suporá unha "mellora das condicións laborais dos traballadores", o que redundará tamén nunha maior eficacia no desenvolvemento das súas funcións.

TAXAS DE TEMPORALIDADE

Con respecto á redución da taxa de temporalidade, concluíron que se incluirá nas ofertas de emprego público dos próximos anos (2017 a 2020) prazas do persoal do Servizo de Prevención e Defensa Contra Incendios Forestais co fin de completar a convocatoria de vacantes existentes.

En concreto, a Consellería de Medio Rural comprometeuse a que polo menos un 20% das prazas de emprego público que oferte a Consellería de Facenda neses catro anos (dende o ano que vén ata o 2020) irán destinadas a este persoal.