A provincia de Ourense e o Sur de Lugo, en alerta amarela este martes por temperaturas de máis de 36 graos

Europa Press Galicia
Actualizado: lunes, 29 junio 2015 20:37
Seguir en

SANTIAGO DE COMPOSTELA 29 Jun. (EUROPA PRESS) -

A maior parte da provincia de Ourense e o Sur da de Lugo estarán este martes, 30 de xuño, en alerta amarela a partir das 15,00 horas por altas temperaturas.

Segundo o Boletín de tempo meteorolóxico de MeteoGalicia, dependente da Consellería de Medio Ambiente, Territorio e Infraestruturas, a alerta amarela decrétase por que se prevén máis de 36 graos entre as 15,00 e as 21,00 horas.

En concreto, a alerta amarela afecta a Valdeorras, a zona do Miño e o Sur de Ourense, así como o Sur de Lugo. Pola súa banda, o 061 de Galicia informou este luns de que ofrecerá consello telefónico ás persoas que poden sufrir complicacións de saúde por altas temperaturas, especialmente a maiores de 65 anos.

Contenido patrocinado