SANTIAGO DE COMPOSTELA, 10 Abr. (EUROPA PRESS) -
O mago Luis Boyano ofrecerá hoxe no Hospital de Pontevedra un espectáculo para os rapaces deste centro sanitario no que lles amosará as posibilidades de lecer que ofrece a lectura, dentro do programa 'Abril, mes dos libros', organizado pola Consellería de Cultura.
A actuación tentará suscitar o interese dos nenos pola lectura a través do humor e do misterio, cumprindo así un dos obxectivos principais do programa da Xunta, de achegar este hábito a lugares que normalmente fican afastados de círculos culturais, como os hospitais ou as cárceres.
O programa 'Abril, mes dos libros', inclúe outras actividades, como semanas do libro en diferentes municipios galegos, un certame fotográfico para que os máis novos reflexen todo o relacionado co mundo da lectura e co pracer de ler ou unha campaña para que as pandarías inclúan nas bolsas un poema.
