UVIÉU, 1 de Setiembre (EUROPA PRESS)
El Conseyu de Gobiernu d'Asturies autorizó una partida de 30.689.465 euros pa la contratación de personal docente de cara al próximu cursu escolar 2010-2011. Trátase del personal temporal y son 1.044 les contrataciones estimaes pal nuevu cursu.
Según informó esti miércoles en rueda prensa la conseyera d'Alministraciones Públiques y Vocera del Gobiernu, Ana Rosa Migoya, los 1.044 contrataos van ser interinos, apuntando qu'esi ye'l númberu que la Conseyería d'Educación y Ciencia "considera necesariu" pa esti añu, "acordies con la programación y el númberu d'unidaes".
Per otra parte, el Conseyu acordó la tercer fase del conveniu d'encomienda de xestión col Consorciu de Tresportes d'Asturies (CTA), en materia de tresporte escolar naquelles rutes que s'incorporen a los planes d'esplotación de les concesiones zonales contrataes pol CTA y nes que'l presupuestu sube 1.337.962 euros.
Amás autorizáronse 60.480 euros pa la contratación de cuatro rutes de tresporte escolar mientres tol cursu escolar 2010-2011 al Colexu Rural Arrexuntáu 'Maestru José Antonio Carbayos' de Caborana, por cuenta de les obres que se tán realizando nel Colexu Públicu de Morea.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)