Bloque por Asturies muestra'l so apoyu a la convocatoria unitaria del 8 de setiembre en Xixón, xunto a UNA

UVIÉU, 01 de Setiembre (EUROPA PRESS)

Bloque por Asturies mostró nun comunicáu al que tuvo accesu Europa Press el so apoyo a la convocatoria de la 'Plataforma Unitaria 8 de Setiembre', na que tamién s'integra Unidá Nacionalista Asturiana, y llama a la movilización ciudadana pol futuru d'Asturies.

La concentración celebraráse'l próximo 8 de setiembre a les 12.30 horas en la Plaza del Náutico de Xixón. El Bloque por Asturies fai un "llamáu a la movilización social, sindical y política de la izquierda, l'asturianismu y l'ecoloxismu, pa qu'esti 8 de setiembre entamemos a construir nuevos espacios de participación social, pa defender los nuestros drechos sociales, económicos, políticos, llingüísticos y culturales, pa defender la sanidá y la educación públiques, pa defender la nuestra tierra y el nuestru territoriu".

El Bloque llama a una movilización unitaria esti 8 de setiembre "como respuesta a la murnia rialidá que mos quieren imponer dende los Gobiernos d*España y Asturies. Una murnia rialidá que pon en pelligru un futuru dignu y que mos condena a la exclusión, al paru y a la emigración", añadió la organización.

Asina, la formación pidió "a los movimientos sociales, a les fuerces sindicales y polítiques, a los ciudadanos y ciudadanes pa que'l próximu 8 de setiembre, dende'l respetu a la pluralidá y la diversidá, apoyen la convocatoria de la 'Plataforma Unitaria 8 de Setiembre' y participen na concentración que se va facer na Plaza del Náutico de Xixón a les 12.30 hores".