Bruxeles estudia si Francia respeta la Carta de Derechos Fundamentales

BRUXELES, 1 de Setiembre (EUROPA PRESS)

La Comisión Europea estudia si la mayoría de les espulsiones de xitanos rumanos que tuvieron llugar esti branu en Francia produxéronse realmente "de manera voluntaria", tal como argumenta París, o si se violaron los derechos fundamentales d'algún de los deportaos, o si se violó'l derechu européu a la llibertá de movimientu, según confirmó'l voceru comunitariu de Xusticia, Matthew Newman.

Los servicios llegales y otros departamentos del Executivu comunitariu redactaron un informe "preliminar y xurídicu" sobre les polémiques espulsiones, qu'incluyó les versiones de les delegaciones francesa y rumanes qu'ayeri martes s'axuntaron cola vicepresidenta y comisaria de Xusticia, Viviane Reding.

L'analís céntrase en "dos asuntos xurídicos europeos" concretos, esclarar si se vulneró'l derechu a la llibertá de circulación de los ciudadanos de la UE y la Carta de Derechos Fundamentales, esplicó en ruea de prensa Newman.

La vicepresidenta Reding y los comisarios d'Asuntos Sociales, László Andor, y d'Interior, Cecilia Malmsröm, son los encargaos por pidimientu del presidente, Jose Manuel Durao Barroso, d'informar al restu del colexu sobre'l casu.

L'oxetivu ye entregar los datos preeliminares pa estudiar "con una visión oxetiva" si Francia respetó les lleis europees. Fontes comunitaries apuntaron nos últimos díes que si Bruxeles constata que s'incumplieron los derechos comunitarios de los afectaos podría decidir abrir un procedimientu.

Con too, el voceru de Reding calcó nel "carácter preeliminar" del informe y esplicó qu'a últimos d'esta selmana va tener llugar otra xunta con representantes del Gobierno galu, "esta vez a nivel técnicu", pa siguir les conversaciones.

Otra vocera comunitaria calcó en que la xunta de comisarios, primera tres el parón braniegu y a puerta pesllada, ye de carácter informal y poro "nun va haber decisiones nin nésti nin n'otros asuntos" de l'axenda. Trátase d'un seminariu de dos díes, polo que los discutinios sobre esti casu puen prollongase hasta'l xueves.

El martes, tres reunise con dellos comisarios, el ministru francés d'Inmigración, Eric Besson, defendió la política francesa d'espulsiones y sorrayó que Francia respetó "escrupulosamente" les normes comunitaries, pero alvirtió de que la llibertá de movimientu "nun puede ser incondicional".

Pela so parte, el secretariu d'Estáu p'Asuntos Europeos rumanu, Bogdan Aurescu, pidió a Bruxeles qu'estudie si les deportaciones fueron "verdaderamente voluntaries" y acusó a El Elíseo de maquillar les cifres de criminalidá de los deportaos pa "impresionar a la opinión pública".