UVIÉU, 17 Abr. (EUROPA PRESS) -
El Serviciu de Normalización L.lingüística de Cangas acaba presentar una campaña nueva de dignificación de la llingua asturiana que consiste nuna serie de trés imanes con conseyos prácticos sobre'l llaváu y conservación de la ropa en términos de sostenibilidá ambiental.
"El primer ya'l segundu imán tán dedicaos a los símbolos de la roupa, mientras que l'últimu de los imanes de la serie recói recomendaciones prácticas de l.laváu ya conservación", indiquen dende'l Conceyu de Cangas al traviés de nota de prensa, de la que conviden a les empreses vinculaes al sector textil y al de venta d'electrodomésticos a sumase a la distribución de la campaña.
Amás, los particulares con interés na campaña van poder contactar col Serviciu de Normalización L.lingüística y facese coles muestren. La conceyala de Cultura de Cangas, Carmen Riesco Combarro, afirma qu'esta campaña nueva pretende "demostrar la tresversalidá ya capacidá comunicativa infinita de la nuesa l.lingua ya comprométese, una vez más, cona súa visibilización ya dignificación".
