Familiares de desapaecíos denuncien la poca implicación del Estáu

MADRID, 30 Ago. (EUROPA PRESS) -

Asociaciones de familiares de desapaecíos na dictadura franquista denuncien la falta d'implicación del Estáu na gueta de los desapaecíos y acusen a l'Alministración de dar subvenciones tres la presentación de una bayurosa documentación y dempués desentendese, dexando tola responsabilidá nes families.

"Dante cuatro perres de subvención y llueu sólo te piden que xustifiques ónde lo gastesti. Ye como si nuna familia se pierde dalguién, denuncies la so desapaición y el Gobiernu date 2.000 eurinos y te diz, ¡ala, apáñate pa topalu!. Nunca tal vimos", echa-y en cara l'Asociación de Familiares de les Persones Asesinaes nos montes de la Pedraja (Burgos).

UNA LLEI DE MEMORIA QUE DEXA UN "PROBLEMÓN"

Esta asociación amás cree que la implicación del Estáu tien que ser mayor porque "ye'l responsable de lo que pasó" porque estos crímenes cometiéronse "nun momentu dau" pol Estáu español "cuando se sublevó Franco", en referencia al réxime. Asina, considera qu'una Llei de Memoria Histórica "tan baxa de vistes" dexó-yos el "problemón", porque, al so xuiciu, son les families les que tienen que puxar con tola responsabilidá.

"¿Por qué nengún Gobiernu garró esti tema con responsabilidá d'Estáu?", entrúganse los familiares de los desapaecíos na Pedraja. "Colo que cuesten dos kilómetros d'autopista resuélvense los problemes de poces de tol país", apunta.

N'España, según l'Asociación pala Recuperación de la Memoria Histórica (ARMH), esisten abondes poces comunes nes que podíen tar los restos de 113.000 homes y muyeres, cifra que recordó con motivu del Día Internacional de los Desapaecíos que se conmemora esti llunes.

"L'ESTÁU NUN FAI NADA"

"Les sos families siguen buscándolos y esperando, pero nun pudieron entá recibir l'asistencia d'un Estáu que los cate y averígüe qué ocurrió con ellos", señala l'asociación, pa quien el delitu que se comete escontra un desapaecíu ye de tanta gravedá porque se trata d'un conxuntu de "crímenes lesivos" concentraos nuna persona.

"Ye amás un delitu permanente y eso quier dicir que se ta cometiendo tolos díes", sorraya, tres d'esplicar que, por esi motivu, el secuestru d'un cadábre requier urxencia de les instituciones a la hora d'actuar. "Cada día que l'Estáu nun fai nada por alcontrar a esos desapaecíos", denuncia.

s, asegura que l'Estáu español recibió indicaciones de diferentes organismos internacionales pa que seya parte activa na gueta de los desapaecíos y nun dexe esa responsabilidá nes families, que ye una forma de "echa-yos la culpa".