El Gobiernu asturianu destina un millón d'euros pa sovenciones pol usu d'enerxíes renovables

 

El Gobiernu asturianu destina un millón d'euros pa sovenciones pol usu d'enerxíes renovables

Actualizado 24/06/2009 18:35:32 CET

UVIÉU, 24 de Xunu (EUROPA PRESS)

El conseyu de Gobiernu aprobó güei un gastu d'un millón d'euros pa la convocatoria de sovenciones pol usu d'enerxíes renovables per parte d'empreses privaes, particulares y instituciones sin ánimu de beneficiu económicu.

Per otra parte, por pidimientu de la Conseyería de Mediu Rural y Pesca, el Gobiernu autorizó un conveniu de collaboración ente'l Gobiernu del Principáu y el Serviciu Rexonal d'Investigación y Desarrollu Agroalimentariu (Serida), dotáu con 50.000 euros, pal desarrollu del Programa de Conservación de la raza autóctona Gochu Asturcelta, y el caltenimientu y ampliación del Bancu de Recursos Zooxenéticos de races ganaderes autóctones en peligru d'estinción.

De la mesma manera diose'l vistu bonu a la incorporación del conceyu d'Illas al ámbitu territorial d'intervención del Grupu d'Aición Llocal pal desarrollu de la Comarca del Camín Real de la Mesa, pa la execución del Exe Leader del Programa de Desarrollu Rural del Principáu d'Asturies 2007-2013.

Por pidimientu de la Conseyería d'Alministraciones Públiques, el conseyu aprobó una sovención de 225.000 euros pa la celebración d'un conveniu de collaboración al 50% col Conceyu de Carreño pa la reurbanización de la plaza de la Baragaña de Candás.

La actualidad más visitada en EuropaPress logo: La actualidad más vista
Esta web utiliza cookies propias y de terceros para analizar su navegación y ofrecerle un servicio más personalizado y publicidad acorde a sus intereses. Continuar navegando implica la aceptación de nuestra política de cookies -
Uso de cookies