Hamas alvierte que va siguir atacando a israelinos

CIUDÁ DE GAZA, 2 de Setiembre (Reuters/EP)

El grupu islamista Hamás alvirtió que va siguir atacando a israelinos y criticó les conversaciones de paz en Washington, ente'l primer ministru israelín, Benjamin Netanyahu, y el presidente palestín, Mahmud Abbas.

"Les operaciones de resistencia van siguir y les midíes per parte de la ocupación y por Al Fatá --el movimientu d'Abbas que controla Cixordania-- nun lo van torgar", alvirtió'l voceru de Hamás, Sami Abu Zuhri. Dende l'ataque'l martes nel que morrieron cuatro israelinos cerca d'Hebrón, Israel reforzó les midíes de seguridá y les fuerces de l'Autoridá Palestina arrestaron a más de 500 presuntos miembros de Hamás.

Per otra parte, no referente a la continuación de les conversaciones directes tres un parón de casi dos años, el voceru consideró que "Mahmud Abbas nun tien derechu a falar en nome de los palestinos, nin a representalos, y, poro, cualquier resultáu nun va ser vinculante pal pueblu palestín".

Hamas tamién reivindicó l'autoría d'un segundu ataque ayeri en Cixordania, nel que resultaron mancaos dos israelinos cerca d'otru asentamientu. Amás de detener a numberosos presuntos miembros de Hamás, les autoridaes palestines en Cixordania prometieron midíes adicionales pa evitar nuevos actos de violencia.

El gobiernu en Cixordania, según Zuhri, "nun ye sinón una ferramienta pa protexer la seguridá de la ocupación y los colonos".