Les empreses auxiliares consideren que sobren 700 trabayadores pola baxada de producción d'ArcelorMittal

Actualizado: martes, 25 noviembre 2008 17:47

UVIÉU, 25 de Payares (EUROPA PRESS)

Les empreses auxiliares d'ArcelorMittal informaron güei a los responsables sindicales que, una vez realizaos los estudios pertinentes con arreglu a la baxada de producción propuesta por ArcelorMittal, nesti momentu sobre 700 emplegaos pa los que se presentaría un ERE, al marxe de los 400 que yá abandonaron el so puestu de trabayu.

Según esplicó a Europa Press el responsable de política industrial de la Federación Minerometalúrxica de CC.OO, Nicomedes Sánchez Izquierda, la "nefasta noticia" foi comunicada esta mañana nel conceyu calteníu na conseyería d'Industria, na que participaron los responsables de les empreses auxiliares, representantes d'ArcelorMittal, sindicatos y representantes del Principáu.

Sánchez afirmó que nesti casu la midida, que refugaron los sindicatos, afeuta sobre too a personal fixu de les empreses, puesto que malpenes queden eventuales tres la última regulación. "Nos nun aceptamos esta midida desproporcionada, pero tampoco les empreses axuliares porque nun tienen capacidá de facer frente al coste que supón regular a 700 trabayadores", dixo'l sindicalista.

Nesti sen, Nicomedes Sánchez esplicó que los sindicatos consideren qu'esta midida ye "una tomadura de pleu, que nun tien nengún sen". "Agora hai trabayu, nun falamos de falta de trabayu, falamos d'una baxada de producción que plantegaron porque a dalguién-y interesa y eso torna en que'l sector de les emprees auxiliares paguen esi recorte", dixo Sánchez.

Nesti momentu, tres la salida d'unos 400 eventuales, les empreses auxiliares d'ArcelorMittal dan emplegu a unes 3.100 persones. Los sindicatos aseguren que toes estes decisiones, "desproporcionaes dafechu", van acabar derivando nun "conflictu importante" del sector.

Asturianu ofrecido por