SANTIAGO, 1 de Setiembre (EUROPA PRESS)
La televisión chilena publicó un nuevu videu de los 33 mineros atrapaos na mina San José na qu'éstos apaecen muncho más animaos y con meyor aspectu físicu que na anterior grabación, dempués de que nos últimos díes pudieren recibir alimentos y otros materiales colos que meyorar les sos condiciones baxo tierra.
La grabación, que se mostró de primeres a los familiares de los mineros, axuntaos nel Campamento Esperanza, muestra a algunos d'ellos sorrientes y estimando al presidente, Sebastián Piñera, los esfuerzos que se tán faciendo pal so rescate. Coles mesmes, como nel anterior, saluden a les sos families y infórmenlos del so estáu.
Los mineros, que visten camisetes coloraes, muestren tamién una bandera de Chile, saluden a la cámara coles manes y algunos d'ellos faen signos col matapioyos p'arriba, pa indicar que s'alcuentren bien. Nun momentu dau, toos ellos glayen 'Chile, Chile'.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)