La productora de José Luis Moreno suspende la Gala d'Asturies prevista pal 10 de setiembre

Europa Press Asturias
Actualizado: jueves, 2 septiembre 2010 16:44
Seguir en

UVIÉU, 2 de Setiembre (EUROPA PRESS)

La productora de José Luis Moreno (Kulteperalia) decidió esti xueves suspender de la programación la Gala d'Asturies prevista pal día 10 de setiembre nel patiu de Llaboral, según informó la sociedá pública Recrea al traviés d'un comunicáu.

Según Recrea, Kulteperalia adoptó esta decisión pa facilitar que La Llaboral seya'l puntu de partida de la Vuelta Ciclista a España, al so pasu per Asturies. Les necesidaes de montaxe d'esti eventu deportivu aconseyaben esta decisión que les trés partes adoptaron de mutuu acuerdu, señalaron nel mentáu comunicáu.

Nel mesmu Recrea señala que "ta previsto ofrecer la Gala d'Asturies nun futuru próximu". Según la información del eventu, na mesma dibe incluise actuaciones d'Hevia, Doctor Explosion, Dark la Eme, Los Oricios, Banda de Gaites Villa Xixón, Pablo Valdés & The Crazy Lovers, María Toledo y otros artistes.

Per otru llau, la Productora Kulteperalia decidió desarrollar l'espectáculu 'Ópera Carmen' nel interior del Teatru de La Llaboral, n'atención a la previsión meteorolóxica desfavorable. Dichu espectáculu va tener llugar el 4 de setiembre, a les 22.00 hores.

Contenido patrocinado