El PSOE estudia llevar a los tribunales la sovención municipal a la Fundación Gustavo Bueno

UVIÉU, 02 de Setiembre (EUROPA PRESS)

El Grupu Municipal Socialista nel Conceyu d'Uviéu estudia llevar a los tribunales el casu de la sovención municipal a la Fundación Gustavo Bueno pa la organización de les actividaes de 'Oviedo Doce Siglos'. El PSOE embaraxa esta posibilidá al refugase güei, na Comisión d'Economía, colos votos del PP, la so propuesta de solicitú al alcalde pa investigar esti asuntu.

La coceyala socialista, Margarita Vega, señaló güei esta posibilidá mientres la rueda prensa posterior a la comisión. Lo que los socialistes critiquen ye la sovención de 600.000 euros que'l Conceyu concedió a la Fundación pa la organización d'una esposición, nel marcu de 'Oviedo Doce Siglos'. Pa ello, la entidá contrató a una empresa que, según Vega, tenía ente les sos directivos persones "emparentaes directamente cola familia de Gustavo Bueno, lo que prohíbe la Llei de Sovenciones".

La conceyala quiso dexar claro que'l so partíu nun tien nada en contra de la Fundación, sinón del conceyal d'Economía, que "conoz la llei". Asina refugó les crítiques del PP, según les qu'esiste una persecución socialista contra la Fundación, porque "nun ye de la nuesa cuerda". "Si'l conceyal diz eso ye porque entiende qu'esta Fundación ye precisamente de la so cuerda", aspecto col qu'esplicó la sovención señalada.

Pa Vega, los conceyales del PP que votaron en contra de la propuesta tán provocando una " torga" al control financieru, "col fin de tapar un fechu illegal". Señaló que "la intervención municipal tendría que tomar cartes nel asuntu, pero ye imposible si nun hai un impulsu políticu pa ello".