UVIÉU, 6 May. (EUROPA PRESS) -
Los poetes Sofía Castañón, Vanessa Gutiérrez y Pablo Texón realizaron esti llunes un repasu a la nueva poesía asturiana, nun actu con bien de públicu na Capiella de los Dolores, en Grau.
Los trés escritores recitaron versos propios y ayenos nun actu enmarcáu dientro del programa de la XXXV Selmana de Les Lletres Asturianes. Nel mesmu, entregáronse tamién los diplomes del I Premiu de Poesía Selmana de Les Lletres, pal alumnáu de primaria del conceyu. Amás, contó cola actuación musical de la cantante Marisa Valle Roso, acompañada pol gaiteru Pablo Carrera. .
Nel marcu de la Selmana, esti martes va tener llugar l'actu institucional na Xunta Xeneral del Principáu, nel que diputaos van lleer nel hemiciclu testos n'asturianu, conxuntamente con escolares convidaos pa la ocasión.
