La superficie dedicada a la producción ecolóxica n'Asturies dóblase en dos años

UVIÉU, 2 de Setiembre (EUROPA PRESS)

La superficie dedicada a la producción ecolóxica n'Asturies doblóse nos dos últimos años hasta algamar les 14.000 hectárees nel 2009. Un enclín que según el Gobiernu d'Asturies sigue "al mesmu ritmu" mientres el 2010.

Ello ye que l'Executivu apuntó esti xueves qu'Asturies ye una de les comunidaes onde más creció la producción agraria ecolóxica nos últimos años. Nesti momentu, el Copa (Conseyu de la Producción Agraria Ecolóxica del Principáu d'Asturies) cuenta con un total de 432 operadores inscritos, de los que 344 son productores, 49 ellaboradores y 39 comercios minoristes.

El mayor crecimientu rexistróse na ganadería de vacunu de carne, con 200 ganaderíes que cuenten con 6.000 vaques y unes 13.000 cabeces en total. Amás, pese a la crisis económica, el consumu de productos ecolóxicos sigue aumentando.

"Tomando como exemplu los datos de comercialización de xata asturiana ecolóxicu rexistraos a 31 d'agostu d'esti añu, cabe destacar que prácticamente igualen yá a los acumulaos a lo llargo de tol añu pasáu, certificándose a esa fecha 133.119 kilogramos de xata asturiana ecolóxica, polo que ye previsible que s'algame a final d'añu la cifra acumulada de 200.000 Kilogramos", indicaron dende la Conseyería de Mediu Rural y Prensa.

MUESTRA N'A VEIGA

Estos datos mentáronse mientres la presentación n'A Veiga de la VII Muestra de Cultura Ecolóxica y Dessarrollu Sostenible ECO 21, na que participó'l director xeneral de Ganadería y Agroalimentación del Principáu, Luis Miguel Álvarez.

Tamién participaron el presidente del Conseyu Regulador pa la Producción Agraria Ecolóxica-COPAE, Javier González y; el teniente d'Alcalde d'A Veiga y presidente del recintu ferial, Juan Santiago.

La muestra, que nesti momentu celebra la so séptima edición, ta entamada conxuntamente pol Conceyu d'A Veiga y el Conseyu Regulador pa la Producción Agraria Ecolóxica d'Asturies (COPAE). Conocer los alimentos de producción ecolóxica y aumentar la sensibilización ente la población sobre la necesidá d'avanzar hacia un desarrollu sostenible ye l'oxetivu de el organizadores d'esta feria, que se va celebrar n'A Veiga los próximos díes 11 y 12 de setiembre y que va contar cola presencia de más de 30 espositores.

Los asistente a la mesma van poder esfrutar del mercáu de productos certificaos de l'agricultura ecolóxica, amás d'un variáu programa d'actividaes dirixíes a tolos públicos rellacionaes col desarrollu sostenible (güertu ecolóxicu, talleres, esposiciones, charres productores-consumidores, etcétera).

Paralelamente a la feria, va celebrase en collaboración cola Asociación de Comerciantes d'A Veiga (ASCOVE), el primer concursu de pinchos ellaboraos con alimentos 100% ecolóxicos. Nel concursu van participar once establecimientos d'A Veiga. Coles mesmes, el Restorán Vega de Villar (en Veiga de Villar), va ofrecer na so carta un Menú Degustación ellaboráu con productos ecolóxicos. Con toos estos alicientes, los organizadores confíen en que la cifra d'asistentes supere los 6.000 visitantes que se dieron cita n'anteriores ediciones d'ECO 21.