UVIÉU, 13 de Marzu (EUROPA PRESS)
L'asamblea de trabayadores del tresporte per carretera acordó pasada la medianueche d'ayeri por "unanimidá" convocar fuelga de carácter indefiníu de magar el 25 de marzu, según confirmaron güei fontes sindicales a Europa Press.
Les federaciones del Tresportes d'UXT y CC.OO convocaron a les 23.00 hores d'ayeri na sede de la Unión Xeneral Trabayadores l'asamblea pa decidir les movilizaciones ante la "negativa de la patronal Asetra d'incrementar los salarios pal añu 2009", tal y como ta previsto nel conveniu colectivu 2001-2011 firmáu por dicha patronal.
Los sindicatos recuerden que nel conveniu colectivu s'establez que pa esti añu van incrementase los salarios l'IPC previstu más dos puntos, colo que se deberíen incrementar un 4 por cientu --dos puntos del IPC previstu más los dos puntos qu'establez el conveniu--.
La patronal quier aplicar la revisión del IPC real a 31 d'avientu, colo qu'en llugar d'aplicar una subida del 2%, diba aplicase una del 1,4%. En cambiu los sindicatos aseguraron que'l conveniu "ye mui claro y establez que la revisión del IPC real se va desarrollar siempre que seya superior al previstu".
