UXT y CC.OO rompen les negociaciones col Principáu sobre la carrera profesional y convoquen una movilización

Actualizado: viernes, 25 abril 2008 17:23

UVIÉU, 25 d'Abril (EUROPA PRESS)

Les federaciones de Servicios Públicos y d'Enseñanza d'UXT y les Federaciones de Sanidá y Alministraciones Públiques de CC.OO anunciaron güei la "rotura de toles negociaciones" col Principáu d'Asturies sobre l'aplicación de la carrera profesional, ante los "incumplimientos per parte del Executivu rexonal". De la mesma manera, anunciaron una movilización pal próximu 8 de mayu, a les 11.00, frente a la Xunta Xeneral a la que tán llamaos tolos funcionarios públicos.

En rueda prensa'l representante d'UXT, Indalecio Estrada, y el de CC.OO, Manuel Nieto, criticaron la "prepotencia del Executivu d'Areces" que se niega a cumplir lo pautao n'avientu del 2006. Amás, acusaron al presidente del Principáu d'engañar a los casi 40.000 emplegaos públicos demientres la campaña electoral.

Estrada esplicó que lo qu'exixen a l'alministración ye una negociación y acuerdu en mesa xeneral pa proceder al pagu de los graos 1 y 2, acordando asina'l pagu de los sucesivos.

"En plena campaña electoral Areces repitió que nel 2008 diba aplicase ya'l segundu nivel de la carrera profesional y agora nun lo cumple", dixo Estrada, que recordó amás que l'entós candidatu presumía de que'l Principáu contara ya cola carrera profesional pa los emplegaos públicos.

Asina, los sindicatos indicaron qu'a fecha de güei nun se ta cumpliendo'l compromisu d'abrir el procesu pa unise al segundu nivel y tampoco permite a quien quedó fuera del priemr nivel incorporase agora, tal y como se pautara.

"Los representantes del Gobiernu van a les meses de negociación a pasiar papeles y a chuliar a los sindicatos", indicó Nieto, qu'añadió qu'agora l'Executivu d'Areces quedó ensin contactos colos que negociar.

Asturianu ofrecido por