Aviso: Esta noticia tiene más de un año. Última actualización: 18/03/2010 17:42
Ertzaintzaren agenteek 20 urteko gizonezko bat atxilotu dute gaur goizean, joan den otsailean Barakaldoko (Bizkaia) dantzaleku batean adingabeko neska batek jasandako sexu erasoaren ustezko egilea delakoan, Eusko Jaurlaritzako Herrizaingo Sailak jakinarazi duenez.
Otsailaren 27an, adingabeko neska bat polizia egoitza batera bertaratu zen, goizaldean Barakaldoko diskoteka batean gizonezko batek sexu erasoa egin ziola salatzeko. Neskatoak jakinarazi zuenez, diskotekako komunetan gizon gazte bat bere gainera joan zen, gizonezkoen komunetan sartu zuen eta, bertan, bortxatu egin zuen.
Gertakariaren berri izan ostean, beharrezko ikerketa abiatu zuten egilea identifikatzeko. Ondorengo egunetan lortutako emaitzei esker, 20 urteko gizon bat identifikatu zuten ustezko erasotzailea bezala. Hala, beharrezko egiaztapenak burutu ostean, gaur goizean gaztea atxilotu dute. Atxilotua polizia egoitza batean dago une honetan eta, dagozkion eginbideak amaitu ostean, epailearen esku geratuko da.