Aviso: Esta noticia tiene más de un año. Última actualización: 18/03/2010 14:09
Ertzaintzaren agenteek 41 eta 35 urteko bi gizonezko atxilotu zituzten atzo gauean Basaurin (Bizkaia), enpresa batean txatarra lapurtzen harrapatu ostean, Eusko Jaurlaritzako Herrizaingo Sailak gaur jakinarazi duenez.
Atzo gaueko 22:15ean, Basauriko San Miguel auzoko enpresa bateko segurtasunaren zaindariek ertzainak bidaltzeko eskatu zuten, enpresarekin inolako loturarik ez zuten pertsona batzuk barrutian sartu eta txatarra lapurtzen ari baitziren. Herritarren segurtasunerako patruila bat bertaratu zen eta agenteek hainbat pertsona ikusi zituzten. Poliziak zeudela ohartzean, susmagarriek korrika alde egin zuten, norabide ezberdinetan.
Ertzainek lapurretako bi geldiarazi eta identifikatu zituzten. Beharrezko egiaztapenak burutu ostean, atxilotu eta polizia egoitza batera eraman zituzten, beharrezko eginbidea burutzeko.