EUSKADI.-Victor de Diego Quartet ariko da bihar eta larunbatean "365 Jazz Bilbao" zikloaren baitan

Europa Press País Vasco
Actualizado: jueves, 18 marzo 2010 11:04
Seguir en

BILBO 18 Mar. (EUROPA PRESS) -

Victor de Diego Quartet jazz taldeak bi kontzertu eskainiko ditu bihar eta larunbatean Bilboko Hesperia hotelean, 22:45etik aurrera. Emanaldia, doakoa, "365 Jazz Bilbao" egitarauaren baitan dago eta "Evolution" taldearen disko berria aurkezteko balioko du, antolatzaileek jakinarazi dutenez.

Duela pare bat urte Victor de Diego bakarlari eta saxofoi-jotzaile bilbotarrak jazzaren munduko Bartzelonako hiru musikari ezaguni deitu zien laukotea osatu eta ideia berriak gauzatzeko asmoz, betiere taldeko buruaren jazz-estetikarekin. Taldearen bere-berea izango zen soinu originala eta berezia lortzea zen aurreneko helburua.

Orain, Bartzelonan bizi direlarik, eta entsegu-ordu askoren eta makina bat kontzerturen ostean, taldeak "musika freskoa eta berezkoa" eskaintzen du, zenbait kultura musikalen eraginarekin.

Contenido patrocinado