Andecha Astur sofita la concentración de Xixón y reclama l'indultu pa Les 6 de La Suiza

   UVIÉU, 4 Jun. (EUROPA PRESS) -

   Andecha Ástur anunció'l so sofitu a la concentración convocada esti xueves 5 de xunu, a les 19.00 hores, na Plaza Mayor de Xixón, en defensa del derechu a la llibertá de 'les 6 de La Suiza'. El prartiu espresó'l so compromisu de siguir collaborando colos colectivos sociales y políticos que comparten esta reivindicación.

Según expliquen n'una nota de prensa, el pronunciamientu llega en conociéndose la decisión del Tribunal Supremu, que cierra la última vía llegal pa evitar l'ingresu en prisión de les seis condergaes pola so participación n'una acción sindical na antigua pastelería La Suiza, en Xixón, nel marcu d'una campaña impulsada pola CNT.

   El xuez Lino Rubio refugó la separación de les dos condergues, magar que'l Ministeriu Fiscal nun s'oponía a esta posibilidá, nin a la solicitú de suspensión de la pena.

   Con esti resolvimientu, la entrada en prisión de 'les 6' puede producise en cualquier momentu. La causa remóntase a una protesta realizada en defensa d'una trabayadora que denunció acosu llaboral y sexual.

   Dende Andecha Ástur tamién se reclamó la non execución de la condena, según l'indultu o una posible amenorgamientu de la pena por aciu l'aplicación del tercer grau. La formación considera qu'estes midíes tán al algame de les autoridaes competentes.