UVIÉU, 30 Oct. (EUROPA PRESS) -
El Conceyu de Xixón y l'Academia de la Llingua Asturiana (ALLA) pactaron la ellaboración d'un protocolu de collaboración pa favorecer les midíes de dignificación social del asturianu nel conceyu, asina como pa entamar proyectos concretos d'actuación conxunta y descentralizada que tengan a Xixón como noyu central d'actuación.
Asina lo anunció l'ALLA esti miércoles al traviés de nota de prensa, después del alcuentru que mantuvieron el presidente de la institución, Xosé Antón González Riaño, y l'alcaldesa de Xixón, Ana González. Amás, tamién participaron el miembru del Conseyu Asesor de la Llingua, l'académicu Pablo Xuan Manzano, y el conceyal d'Educación y Cultura de Xixón, Alberto Ferrao Herrero.
Na xunta, fecha a pidimientu de l'ALLA, amás de la ellaboración del protocolu mentáu y l'estudiu de propuestes nueves pa esta llexislatura, dambes instituciones fixeron una valoración "bona" de la política llingüística llevada hasta agora pol consistoriu.
Dende l'ALLA destacaron lo "positivo" del aconceyamientu pola "visión compartida" de lo que'l conceyu de Xixón pue ufrir dende la "perspectiva recuperadora de la llingua y la cultura d'Asturies".
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
