Ingresen esti xueves na prisión d'Asturies 'les seis de La Suiza'

CSI

   XIXÓN, 10 Jul. (EUROPA PRESS) -

   Les cinco muyeres y un home condergaos a trés años y mediu de cárcel caúnu por coacciones graves pol conocíu casu de 'les seis de La Suiza' ingresaron esti xueves nel Centru Penitenciariu d'Asturies, confirmaron a Europa Press fontes sindicales.

   Toos ellos fueron xuntos nesti día a la prisión a apurrir la documentación que se-yos riquir y quedaron yá deteníos. Asina foi dempués de que'l día anterior el titular del Xulgáu de lo Penal númberu 1 de Xixón decretara la orde d'ingresu en prisión.

   Hai que recordar que fueren condergaes poles acciones de protesta y movilizaciones frente a la pastelería de 'La Suiza', en Xixón, negociu que llegó a cerrar por esti motivu.

   El sindicatu Asturianu LCT, al que pertenez una de les muyeres condergaes por estos fechos, esixó esti xueves l'aplicación d'un tercer grau inmediatu pa 'les seis de La Suiza' y un indultu urxente.

   Asina lo fixeron, al traviés d'un comunicáu, nel que criticaron que se-yos encarcele solo por exercer derechos sindicales. Especialmente refiriéronse a la so afiliada, de la que destacaron que ye "una escelente persona, trabayadora y coherente". Siempres demostró ser una militante comprometida y solidaria na llucha polos derechos de toes", remarcaron.

   "Tantu'l Gobiernu de Asturies como la vicepresidenta del Gobiernu español --Yolanda Díaz-- espresaron, nel so momentu, el so sofitu a esti indultu", recordaron, a lo que señaló que "ye la hora de convertir les palabres en fechos".

   "Nengún Estáu que se pretenda democráticu puede tener preses a persones que solo exercieron los derechos sindicales qu'a toes reconoz la lexislación", defendieron.

   Al tiempu, dende'l sindicatu animóse a participar na concentración que va tener llugar esti xueves, a les 19.30 hores, na plaza Mayor de Xixón.