IX pidi que los perros puedan dir a San Llorienzo n'horariu nocherniegu

   XIXÓN, 30 Jun. (EUROPA PRESS) -

   La concejala d'IX-MP-IAS Xixón nel Conceyu de Xixón, Noelia Ordieres, volvió a pidir que na actual temporada de baños --que va durar hasta'l 16 d'ochobre--, les mascotes puedan dir n'horariu nocherniegu, de 22.00 a 05.00 hores, al espaciu entendíu ente les escaleres 2 y 8 de la playa de San Llorienzo.

   Ordieres asegura "que ye perfectamente compatible l'esfrute de la playa tola xornada y dexar qu'ente les citaes hores los perros puedan dir. Solamente fai falta un pocu de sensibilidá y voluntá política".

   La conceyala de la coalición asegura que "una ciudá como Xixón, que cunta con más de 37.000 perros censaos y presume de ser destín 'dog friendly' tien de responder tamién a esta realidá, non vale solu con anunciase, hai que cumplir y afaese".

   Pa Ordieres énte la falta d'espacios verdes o zones específiques acondicionaes pa perros na zona centro y nel barriu de L'Arena "ye necesariu replantegase la opción de dexar l'accesu a la palaya na franxa de nueche" que al so xuiciu "ye perfectamente compatible y nun xeneraría molesties a los bañistas nin a los servicios de llimpieza".

   La conceyala señala que'l Conceyu "nun pue mirar a otru llau énte la realidá y les característiques de la ciudá, y nesti casu, tamos énte una demanda qu'añu tres d'añu lleven proponiendo los dueños de perros y que cunta con aceptación social, ensin ser escuchaos".

   Per otra parte, la concejala llamentó que se llega al ecuador del mandatu coles inversiones prometíes en materia de bienestar animal "a mediu gas, con más globo sonda qu'execución y soluciones, como nel casu del Albergue".