Muerre Antonio Puerta, l'agresor del profesor Neira

MADRID, 13 d'Ochobre (EUROPA PRESS)

L'agresor de Jesús Neira, Antonio Puerta, morrió na nueche d'esti martes na so casa de Madrid, según informaron a Europa Press fontes de la Xefatura Superior de Policía.

Un equipu del Summa treslladóse a les 23.00 hores a la vivienda sita na cai General Varela, y onde yá s'alcontraben axentes del Cuerpu Nacional de Policía. Na casa, llocalizó'l cuerpu sin vida d'Antonio Puerta, polo que sólo pudo certificar la so muerte, según informaron fontes del Summa.

A primer vista, los facultativos nun alcontraron signos de violencia nel cuerpu de Puerta, anque'l cadavre treslladóse al Anatómicu Forense.

Puerta salió en llibertá provisional el 23 de febreru de la cárcel madrilana d'Estremera, dempués de pagar una fianza de 10.000 euros. En prisión tuvo un total de 18 meses por un delitu de tentativa d'homicidiu.

El xulgáu d'Instrucción númberu 4 de Majadahonda (Madrid) decretó'l 13 d'aogstu del 2008 prisión incondicional sin fianza pa Puerta, nueve díes dempués de propinar una somanta al docente. Detúvolu la Guardia Civil n'Alicante, onde pasaba unos díes de vacaciones.

AGRESIÓN A NEIRA

Según el testimoniu de Neira, los fechos produxéronse'l 2 d'agostu del 2008 a les puertes del Hotel Majadahonda, ubicáu nel polígonu El Carraledo de dicha población.

Ante los emplegaos, Puerta garró pel pelo a la muyer y llevóla hasta la cai, onde continuó la pelea. De fechu, les cámares captaron al traviés d'unos espeyos de la recepción cómo Violeta trata d'alloñase de Puerta, per ésti avanzaba hacia ella con actitú agresiva.

La discusión continuó na cai, onde nun la recoyeron les cámares, anque sí lu vieron los trabyadores del hotel. Los testigos vieron cómo Peerta agredía a la so moza hasta que'l profesor Neira, que pasiaba col so fíu, interpúnxose pa evitar que siguiere maltratándola. Paez que Violeta escapó del agresor, pero ésti decidió dir a pol profesor.