Noemí Martín comprométese a acortar el tiempu de tramitación de les solicitudes de dependencia a seis meses

UVIÉU, 11 de Xunu (EUROPA PRESS)

La conseyera de Bienestar Social y Vivienda, Noemí Martín González, se comprometió güei en Zamora a acortar el plazu de tramitación de les solicitudes de Dependencia hasta cumplir colos seis meses que recueye la Llei. La conseyera participó nel V Congresu Nacional de Servicios Sociales Municipales, organizáu pola Federación Española de Municipios.

Noemí Martín dixo que "hai qu'esforzase pa reducir los plazos nel procedimientu de tramitación de les solicitudes de Dependencia porque son mui llargos. Tenemos que llograr cumplir colos seis meses que marca la llei", y añadió que "la xente debe saber que la valoración de la Dependencia ye un procesu mui complexu --inclúi aspeutos mélicos, sociales y económicos-- y requier tiempu pa poder completalu, llegando hasta a los 12 meses en dalgunos casos".

Cuando se cumplen dos años de desarrollu de la Llei de Dependencia, la conseyera destacó d'ella que supunxo un pasu importante na cosolidación del Estáu de Bienesar, pero ye necesario facer una evaluación, ser autocríticos porque ta habiendo dificultaes. Ye necesario evitar qu'esti avance políticu que supunxo la Llei torne nun sentimientu de frustración pa miles de families".

La responsable rexonal aseguró que la realidá superó toles previsiones del Llibru blancu nestos momentos. "Asturies ye la segunda Comunidá n'índiz d'avieyamientu y tamién n'espardimientu xeográficu, per detrás de Castiella y Lleón, y Galicia".

En cuanto a la financiación de la Dependencia, Noemí Martín afaló al gobiernu del Estáu a "cumplir la Llei y el so compromisu políticu de garantizar la reserva financiera del Sistema", y recordó que ye la propia Llei la qu'obliga al Estáu y a les Comunidaes Autónomes a confianciar al 50%. "Nesti momentu'l Gobiernu ta incumpliendo les sos obligaciones con Asturies, onde la Conseyería ta financiando más del 70% del coste total de l'aplicación".

En rellación col altu porcentaxe de beneficiarios de la Llei, que prefier la prestación económica a los servicios, la conseyera indicó que "les comunidaes autónomes tienen que correxir esa situación porque la Llei fixa claramente que va tener prioridá'l serviciu sobre la prestación económica. Hai que garantizar la existencia de Redes Públiques de Servicios Sociales capaces de dar respuesta a les nueves necesidaes, se necesiten más places públiques en residencies y tamién más servicios pa persones con discapacidá".

A lo último, Martín tamién calcó en que'l Sistema d'Atención a la Dependencia y Autonomía Personal nun debe suponer una reducción na financiación del sistema públicu de Servicios Sociales y aseguró que "ésti debe tornar nel cuartu pilar del Estáu del Bienestar, xunto a la Educación, la Sanidá y les pensiones. Díbemos cometer un error históricu si se reduxeren les polítiques sociales en materia d'inclusión, llucha contra la probitú, infancia y otros ámbitos propios del sistema públicu de servicios sociales.