La 'Reciella de la Factoría na rede' d'Avilés vuelve con trés nueves actividaes hasta xineru

Europa Press Asturias
Publicado: viernes, 26 noviembre 2021 18:33
Seguir en


UVIÉU, 26 Nov. (EUROPA PRESS) -

La 'Reciella de la Factoría na rede' sigue nel segundu semestre del añu cola programación de trés actividaes pa tola familia, que van poder siguise de forma telemática. Según informó'l Conceyu d'Avilés, la primera llega esti sábadu 27 de payares, cola emisión de 'Aventurina, l'ablana', de Factoría Norte, a partir de les 11.00 hores.

Entamada pola Estaya de la Llingua de la conceyalía de Cultura d'Avilés, zarra'l so sestu añu con propuestes nueves y didáctiques al traviés d'Internet, con marionetes, muncha música y cuentacuentos. Una por mes, hasta xineru.

Na primera, esti sábadu, una ablanina, Aventurina, va rellatar les aventures vivíes xunto los sos amigos y amigues de la naturaleza. La compañía Factoría Norte ufierta asina una historia na que la interpretación, la música y les marionetes entemécense.

Contenido patrocinado