TYC Narcea celebra'l llevantamientu de la suspensión del so proyectu d'investigación en Cangas

   UVIÉU, 6 Jun. (EUROPA PRESS) -

   La compañía TYC Narcea celebró'l recién resolvimientu de la Conseyería de Ciencia, Industria, Empléu del Principáu d'Asturies qu'autoriza la continuación de les actividaes del proyectu d'investigación complementariu que tien en Cangas y que fuera suspendíu.

   "Queremos estimar sinceramente les numberoses amueses de sofitu, solidaridá y enfotu que recibimos nestos momentos complexos. Esta reconocencia va empobinada al nuesu dedicáu equipu humanu, les empreses collaboradores, los profesionales que trabayen dia a dia nel desenvolvimientu del proyectu, y a los vecinos y comerciantes de Cangas", señalen n'una nota publicada nel diariu asturianu La Nueva España, recoyida per Europa Press.

   Tamién destaquen la "collaboración manifiesta" de la Cámara de Comerciu d'Uviéu, asina ocmo asociaciones como Cesintra, FADE, Otea y Apesa, lo mesmo que de sindicatos como SOMA-UXT, CCOO y la CSI, ente otros colectivos, que demostraron el so respaldu al so proyectu.

   Coles mesmes, ponen en valor en valor el respaldu especial de les alministraciones locales, sobremanera, el sofitu firme y explicitu del alcalde de Cangas y tola corporación municipal. "El so enfotu na viabilidá del proyectu y na profesionalidá del nuesu equipu foi una pilastra fundamental, inclusive en circunstancies adverses", señalaron.

   Dende TYC Narcea dicen qu'el so compromisu sigue siendo'l d'actuar "col máximu rigor técnicu, llegal y ambiental calteniendo los altos estándares de seguridá y profesionalidá".

   "El nuesu oxetivu sigue siendo claru: contribuyir al desenvolvimientu económicu y social del suroccidente asturianu, faciendo realidá un proyectu sostenible y con visión de futuru pa la rexón", afirmen.

   Llamenten, sicasí, que se tomaren decisiones "precipitaes y errónees" polos anteriores responsables de la Dirección Xeneral de Mines. "Consideramos qu'eses decisiones son incomprensibles dende'l puntu de vista técnicu y xurídicu", indicaron.

   A lo último, destacaron el llabor de los actuales responsables de la Conseyería de Ciencia, Industria y Empléu, que la so intervención "dexó restituyir l'exerciciu lexitimu de los nuesos derechos".