UVIÉU, 30 d'Ochobre (EUROPA PRESS)
El exalcalde d'Uviéu y conceyal del PP nesti Conceyu, Agustín Iglesias Caunedo, reconoció que realizó viaxes col exdirixente del PP d'Asturies, Joaquín Fernández, imputáu na trama Aquagest, y con otros amigos, pero aseguró que los pagó, y negó cualquier relación o vinculación cola empresa.
Nun cortu comunicáu, Caunedo salió al pasu de la noticia apaecida esti vienres na prensa, na que s'informa de que'l Serviciu de Vixilancia d'Aduanes pidió la so imputación nel Casu Pokemon, y la del dirixente del exvoceru del PP nel Conceyu de Xixón, Manuel Pecharromán, por supuestamente aceptar dádives de la empresa Aquagest.
Ente estes dávides figuraríen viaxes a Nueva York, Florida y Crocia, y nos que se realizaríen dellos gastos, tipificaos como 'putes' y 'putiferios', según obra nel informe d'Aduanes, basáu en documentación sacada del ordenador de Fernández.
"Dientro de la nuesa relación d'amistá, y nel círculu de los nuesos amigos comunes, realicé dellos viaxes con Joaquín Fernández y un grupu d'amigos. Viaxes que xestionó él; y viaxes que yo y tolos que participamos nos mesmos abonámos-y a él, a Joaquín Fernández", matizó Caunedo.
Recalca que "nunca, nin dende les mios responsabilidaes polítiques nin nel ámbitu personal, caltuve relación de negocios, contratos, axudicaciones o compromisos empresariales con Joaquín Fernández o cola empresa na que trabayaba".
Amás, afirma ser "dafechu ayenu a cualquier otru gastu que nun seyan los qu'aboné personalmente a él pa sufragar los costos de los viaxes que s'axustaron siempres a la normalidá y economía d'un viaxe d'amigos". Caunedo señala tamién desconocer "la razón poles que Joaquín Fernández rexistró otros gastos que-y son ayenos dafechu nel so ordenador priváu".
L'exalcalde recuerda que "nunca" negó la so amistá personal con Joaquín Fernández, tres años de convivencia en Nuevas Generaciones y nel Partíu Popular". A lo último, apunta nun tener "nenguna conocencia sobre estos fechos por nenguna vía oficial o xudicial; namás al traviés de lo que publicaron los medios de comunicación".
