UVIÉU, 14 Ago. (EUROPA PRESS) -
Un motorista perdió la vida esta fin de selmana nes carreteres asturianes nún de los 34 accidentes rexistraos nos qu'otres ocho persones resultaron firíos leves, según informaron a Europa Press dende la Guardia Civil de Tráficu.
El vienres día 11 fueron 18 los accidentes rexistraos nos que cuatro persones resultaron firíes, toes elles de calter leve. El sábadu rexistró l'accidente más grave con un motorista muertu.
L'home perdió la vida cuando sufrió una salida de vía cola so moto por causes que se desconocen, nel AS-117 nos alredores de Coballes (Casu). L'accidente asocedió a les 19.17 hores del sábadu, según informó'l Serviciu d'Emerxencies del Principáu d'Asturies (SEPA).
P'acabar, na xornada del domingu namás hubo que llamentar un firíu leve nún de los cuatro accidentes contabilizaos, too ello teniendo en cuenta que se rexistraron numberosos desplazamientos na rexón pol altu númberu de fiestes y a les bones temperatures.
