Bilbo-Bermeo I. Itsas Ibilbideak Bilboko Itsas Museoa eta Euskadiko Biodibertsitate Zentroa elkartuko ditu larunbatean

IHOBE/BILBOKO ITSASADARRA ITSAS MUSEOA

BILBO 8 Jun. (EUROPA PRESS) -

Euskadiko Biodibertsitate Zentroa eta Bilboko Itsasadarra Itsas Museoa elkartuko dira larunbat honetan, ekainaren 9an, Itsasoaren eta Biodibertsitatearen aldeko Bilbo-Bermeo I. Itsasaldi-Estropadaren bitartez.

Ekitaldiak Bizkaiko bi estuario garrantzitsuenak lotuko ditu itsasotik, ostiral honetan ospatzen den Ozeanoen Nazioarteko Egunaren omenez. Ekimen honen bidez, Euskadiko Biodibertsitate Zentroaren eta Bilboko Itsasadarra Itsas Museoaren helburua gure itsasoen eta estuarioen kontserbazioaren garrantziari buruzko sentsibilizazio kanpaina burutzea da.

Horrela, larunbat goizeko 10:00etan, Itsasaldi-Estropada Bilboko Itsasadar Itsas Museoaren kaietatik abiatuko da. Itsasaldi-Estropada honek, itsasontzi askori eman die aukera ekimenean parte hartzeko, Bermeoko portuan amaituz. Jarraian, parte-hartzaileak, Busturiko Madariaga Dorretxean dagoen Euskadiko Biodibertsitate Zentrora joango dira, Itsasaldi-Estropadaren sari banaketarako eta koktel bat ospatzeko.

Estropada antolatzeaz Orza arduratuko da, Getxo Abrako Kirol portuko patroi eta armadoreen elkartea, eta izen-emate guztiak zentralizatuko ditu. Plazak mugatuak dira, eta erreserba egitea ezinbestekoa da 944 91 66 32 telefonoan edo info@orza.biz helbide elektronikoan.

Itsasoaren eta Biodibertsitatearen aldeko I. Itsasaldi-Estropada honek Euskal Herriko Unibertsitateren (EHU) prestakuntza-itsasontziaren, Portugaleteko Itsas Eskolaren eta Pakea Bizkaia egitasmoaren parte-hartzea izango du, ingurumenarekiko errespetua eta nabigazioaren arteko lotura erakutsiz.

Itsasaldi-Estropada honen antolakuntza, Ihobek eta Bilboko Itsasadarra Itsas Museoak 2011ko abenduan sinatutako hitzarmenari erantzuten dio, eta horren bidez, bi erakundeek, itsasoa gizarteari lagunduko duten balioak hedatzeko elkarlanean aritu dira.