BILBO 4 Jun. (EUROPA PRESS) -
Bilboko Udalak bi hiri hondartza berri gaituko ditu aurten, Sarrikokoa eta Ametzeloakoa, hain zuzen ere, eta pandemia ondoren sortutako Arraiz mendikoari, San Antoniokoari, Ibaiederrekoari eta Etxebarria parkekoari gehituko zaizkio.
Bilboko Udaletik jakinarazi dutenez, hiri ingurunean dauden espazioak dira, aisialdian erabiltzeko, itzalarekin eta ur hornidurarekin, eta aisialdi osasungarriko alternatibak eskaintzen dituzte aire zabalean udako hilabeteetan.
Bada, Ametzolako eta Sarrikoko gune berriek bina dutxa izango dituzte eta ekainaren 16an jarriko dira martxan; Arraiz mendian 16 dutxa jarriko dira, San Antonio parkean bost, Ibaieder parkean bi eta Etxebarria parkean beste bi. Azken toki horretan, gainera, haurrentzako gune bat dago, ur jolasekin. Dutxa guztiek elektrobalbulak edukiko dituzte, 10:00etatik 22:00etara erabili ahal izateko.
Hala, Bilboko hiri hondartzak sendotu eta barruti berrietara zabalduko dira, hiritik irten gabe udaz gozatu nahi dutenei alternatiba freskagarri bat eskainiz. Denboraldia irailaren 14an amaituko da, Bilbao Kirolak erakundearen kiroldegietako kanpoko igerilekuena bezala.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
