Eguraldia asteazkenean, otsailaren 2an

BILBO 1 Feb. (EUROPA PRESS) -

Euskalmet euskal meteorologia agentziaren iragarpenaren arabera, asteazkenean, otsailaren 2an, eguraldi eguzkitsua izango dugu bueltan, eta termometroek egunez nabarmen egingo dute gora. Goizaldean eta goizean goiz hodeien hondarrak geratuko dira oraindik, bereziki ipar-ekialdean, baina egunaren zati handi batean zeru oskarbia edo ia oskarbia nagusituko da. Zenbait lekutan behe-lainoa agertuko da goizean goiz, eta barnealdeko txoko batzuetan izotza egingo du.

Hori bai, tenperatura maximoak asko igoko dira eta leku askotan 15 gradu ingurura helduko dira termometroak. Haizea suabe ibiliko da, ekialdekoa nagusi kostaldean eta aldakor gainerakoan. Hiriburuetan, Baionan 6 gradu espero dira gutxienez eta 14 gehienez, Bilbon 5 gutxienez eta 15 gehienez, Donostian 4 gutxienez eta 15 gehienez, Gasteizen 0 gutxienez eta 14 gehienez eta Iruñean 2 gutxienez eta 15 gehienez.

Itsasoan norabide aldakorreko haizea ibiliko da, goizaldean, goizean goiz eta azken orduetan hego-osagaikoa nagusituko da 2-3ko indarrarekin, eta erdiko orduetan eki/ipar-ekialdekoa 3-4koarekin; itsaso kizkurra eragingo du, eta erdiko orduetan itsaskirri edo itsaskira handituko da. Ipar-mendebaldeko hondoko itsasoak 1-1,5 metro inguruko olatuak altxatuko ditu. Itsasgorak 05:17an eta 17:44an izango dira, eta itsasbeherak 11:27an eta 23:41ean. Uraren tenperatura 12 gradukoa da eta ikuspena hamar kilometrotik gorakoa izango da.