GASTEIZ 7 Sep. (EUROPA PRESS) -
Eusko Jaurlaritzako Gobernu Kontseiluak baimena eman du asteazken honetan Errenteriako Udalak 1.314 metro koadroko lursail bat doan lagatzeko Lurralde Plangintza, Etxebizitza eta Garraio Sailari, Gipuzkoako udalerrian alokairuko babes sozialeko 27 etxebizitza eraikitzeko.
Etxebizitzak Esnabide sektorean egongo dira, eta bertan erroldatuta dauden eta Etxebide erregistroan izena emanda dauden pertsonei lehentasunez alokatzera bideratuko dira. 27 etxebizitza berrietatik lau ordezko bizilekuak emateko erabili ahal izango ditu Errenteriako Udalak, bere hirigintza jarduketen ondoriozko ordezko bizilekuak, hain zuzen.
Hitzarmenak ezartzen du administrazio autonomikoa arduratuko dela eraikuntza proiektua kontratatzeaz eta idazteaz, baita obren zuzendaritza eta egikaritzea eta ingurunearen urbanizazioa lizitatzeaz ere. Bestalde, Errenteriako Udalak doan lagako dio lursaila Etxebizitza Sailari, dagozkion lizentziak emango ditu eta eraikuntzarako behar den plangintza onartuko du. Orobat, tasak ordaintzetik salbuetsiko du Jaurlaritza, eta eraikuntza, instalazio eta obren gaineko zergaren %95eko hobaria emango dio.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
