Gasteizko Udalak 340 bizikleta aparkaleku berri jarriko ditu hirian zehar

GASTEIZ 25 (EUROPA PRESS)

Gasteizko Udalak 340 bizikleta aparkaleku berri inguru jarriko ditu hirian zehar uztailera bitartean, eta une honetan dagoeneko fabrikazio fasean daude. Jarduketak 50.000 euroko aurrekontua du eta bizikletak aparkatzeko eskaera gero eta handiagoari erantzuten jarraitzeko hartu da erabakia.

Gasteizko Udaletik jakinarazi duetnez, Pilar-Gazalbiden 38 unitate berri jarriko dira, Erdigunean 54, Adurtzan 28, San Martin-Txagorritxun 35, Lakua-Arriagan 43 eta Ariznabarran 24, hiria osoan banatutako beste kokapen batzurekin batera.

Beatriz Artolazabal alkateorde eta Espazio Publikoaren eta Auzoen zinegotziaren hitzetan, "bizikletentzako aparkaleku sarea handitzen jarraitzen dugu, herritarren eskaerari erantzuteko eta gero eta pertsona gehiagori bizikletaz eroso eta segurtasunez mugitzeko aukera emateko".

Aparkalekuak handitzeko neurri berriarekin, Gasteizek 17.000 aparkaleku baino gehiago izango ditu espazio publikoan bizikletentzako, eta Gasteizko Udalak sare hori indartzen jarraituko du garraiobide horren eguneroko erabilera errazteko.

Artolazabalek nabarmendu duenez, "Gasteiz bizikletaren hiria da gaur egun, zalantzarik gabe, ez bakarrik bere sarearengatik, baizik eta herritarrek egiten duten benetako erabilerarengatik eta denborari dagokionez jarraipena duen apustu politikoa egin duelako".

Azken urteotan, bizikletak gero eta espazio eta protagonismo handiagoa lortu ditu hirian. 2023ko ekainetik, Gasteizko Udalak 11,5 kilometro bizikleta bide berri eraiki ditu, eta, horri esker, 171 kilometroko bizikleta azpiegituratik gaur egungo 182,5 kilometrora igaro ahal izan da. Hain zuzen ere, gaur egun, herritarren %97k bizikleta bide bat du etxetik 250 metro baino gutxiagora.

"Gero eta osoagoa den bizikleten ekosistema sendotzen ari gara, azpiegitura berriekin, zerbitzu gehiagorekin eta egunerokotasunerako erraztasun gehiagorekin", esan du Artolazabalek.