Actualizado 10/04/2007 21:46 CET

A xestión de marcas e patentes en Galicia será analizada mañá nunha xornada en Vigo

VIGO, 10 Abr. (EUROPA PRESS) -

O director xeral de Investigación, Desenvolvemento e Innovación (I+D+i), Salustiano Mato, e o representante do Foro de Xestión do Coñecemento, Alberto Casal, inaugurarán mañá ás 17.00 horas a xornada 'Marcas e patentes: o seu financiamento e como incide sobre a I+D+i' que se desenvolverá no Club Financeiro de Vigo (CFV).

A actividade, organizada polo CFV en colaboración coa Consellería de Innovación e Industria, analizará a política da Administración galega en fomento da propiedade industrial, así como as experiencias do sector empresarial neste ámbito.

A pesar de que a maior parte das empresas comprende o interese que implica o uso das marcas para diferenciar os seus produtos dos dos seus competidores, non todas son conscientes da importancia de protexelas a través do rexistro, segundo indicaron os organizadores. Este procedemento outorga á empresa o dereito exclusivo a impedir que terceiros comercialicen produtos idénticos ou similares que poden levar a confusión.

PROGRAMA

Co fin de tratar sobre estes aspectos da propiedade industrial, o 'Foro de Xestión do Coñecemento, Innovación e Cambio Competitivo' do CFV e a Xunta programan esta actividade co obxectivo promover a innovación tecnolóxica nos produtos, procesos e servizos das empresas en Galicia.

Ademais de Alberto Casal e Salustiano Mato, tamén intervirá o representante do Servizo Galego de Propiedade Industrial (Segapi), Abelardo Nimo, quen exporá a política de fomento da propiedade industrial en Galicia.

Esta xornada complementarase coa análise da experiencia empresarial en materia de xestión de marcas a cargo de, a directora de Desenvolvemento de Negocio de Clarke Modet & Cº, Rosario Echeverría; o director comercial de Asesoría I+D+i, Ricardo Bové; e o xerente de Cupa Innovación, Manuel Varela.

Lo más leído

  1. 1

    Abascal comunica al Congreso un préstamo de 736.000 euros para comprar su nueva casa

  2. 2

    Las naves Voyager detectan nueva física única del medio interestelar

  3. 3

    PRIMICIA. Comunicado de los abogados de Kiko Rivera

  4. 4

    Letitia Wright (Shuri en Black Panther) indigna a los fans de Marvel con sus tuits antivacunas

  5. 5

    Las naves Voyager detectan nueva física única del medio interestelar