Asomega entregará hoxe en Madrid el Premio Nóvoa Santos a Real Academia de Medicina e Cirurxía de Galicia

SANTIAGO DE COMPOSTELA 23 Nov. (EUROPA PRESS) -

A Asociación de Médicos Galegos (Asomega) entregará hoxe en Madrid o XII Premio Nóvoa Santos, que conta co patrocinio de Caixanova e coa colaboración da Universidade de Santiago, á Real Academia de Medicina e Cirurxía de Galicia.

A cerimonia de entrega terá lugar durante un acto académico que será presidido polo presidente da Xunta, Emilio Pérez Touriño, ás 20.00 horas na Casa de Galicia en Madrid. Posteriormente, ás 21.30 horas celebrarase unha cea de gala no Hotel Ritz, que contará coa asistencia de autoridades académicas, sociais e políticas de Galicia e socios de Asomega.

A Asociación de Médicos Galegos quixo premiar nesta edición a citada institución e todos os que foron membros dela dende a súa fundación en 1831, pola súa "dedicación constante e exemplar a Galicia e á medicina".

En 176 anos de historia, a Real Academia de Medicina e Cirurxía de Galicia tivo destacados médicos galegos de todas as especialidades e a membros de disciplinas afíns á medicina que contribuíron "ao mellor exercicio médico" dende tempos moi anteriores á formación dos colexios médicos, en 1898".

A Real Academia tivo a súa sede inicial en Santiago de Compostela e dende 1833, de forma definitiva, está na cidade de A Coruña. Ademais, está asociada ao Instituto de España, organismo creado en 1937 para integrar as oito reais academias.