UVIÉU, 11 de Marzu (EUROPA PRESS)
El Ministeriu de Política Territorial autorizó yá na provincia d'Asturies 447 proyectos con cargu al Fondu Estatal para l'Emplegu y la Sostenibilidá Local, un 95,30 por cientu de les 469 iniciatives presentaes. De les solicitúes yá autorizaes, 403 son proyectos d'inversión y 44 programes de gastu social, principalmente rellacionaos cola educación y atención a persones en situación de dependencia.
Tolos conceyos asturianos tienen yá autorizaos proyectos. L'importe de los mesmos sube a 105.949.478,1 millones d'euros, un 90,73 por cientu de la cantidá total de que disponen, según informó la Delegación del Gobiernu del Principáu.
Una vez aprobada la iniciativa, los conceyos disponen d'un mes pa entamar la licitación de les obres o programes financiaos. Nel momentu que se certifice l'axudicación, el Gobiernu tresfier al conceyu'l 85 por cientu del importe total, quedando'l 15 por cientu restante pendiente d'abonu, que se realiza una vez se xustifica l'acabación del proyectu.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)