Alemana apuesta por espulsar del euru a los países que nun cumplan los compromisos

ec.europa.eu

BERLÍN, 12 de Marzu (EUROPA PRESS)

El ministru alemán de Finances, Wolfgang Schauble, defende la posibilidá de qu'a los países de la eurozona que nun llogren axustase a los compromisos fiscales y económicos del bloque de la moneda única puean obligalos a abandonar l'euru como midida de "últimu recursu", anque continuaríen formando parte de la Unión Europea.

De la mesma manera, Schauble defende nun artículu publicáu por Financial Times Deutschland la necesidá de crear un Fondu Monetariu Européu al que puean recurrir los países de la eurozona que traviensen dificultaes, anaque sorrayó qu'esta ayuda debería llendase a "casos d'emerxencia" y baxo ríxides condiciones, ente les que plantega que los países que nun cumplan los compromisos del Eurogrupu puean vese suspendíos de derechos de votu demientres polo menos un añu.

"Como últimu recursu si un miembru de la eurozona definitivamente nun ye a recuperar la competitividá de la so economía y saniar les sos cuentes públiques debería abandonar l'euru y la unión monetaria, anque podría continuar formando parte de la UE", afirma'l ministru alemán, que considera que la unión monetaria, a pesar de les dificultes que traviesa, continúa siendo plentamente creíble y operativa. Reclama poro "la necesidá de suspender el votu d'aquellos países non cooperadores", puesto que "un país que nun controle les sos finances nun debería poder tomar decisiones sobre les fiances d'otros miembros".

D'otru llau, Schauble encamienta a los países del euru que tean preparaos de cara a afondar na integración del Bloque, pa lo que considera "prudente" crear un Fondu Monetariu Européu, puesto que, na so opinión, el marcu regulatoriu europeú "tovía nun ta completu".

Asina, el titular de la cartera alemana de Finances espón que los países en dificultaes deberíen quedar escluyíos de la toma de decisiones, que políticamente correspondería al BCE y al Eurogrupu. De la mesma manera, el ministru recomienda que deberíen imponese multes a los Estaos nel marcu del procesu sobre los déficit presupuestarios, nos que l'aplicación sería inmediata tres l'acabación del programa d'asistencia.

Amás, Schauble señala que la hipotética intervención del Fondu Monetariu internacional (FMI) na resolución d'esti tipu de crisis na eurozona resulta controvertida y en cualquier casu "resulta meyor que los países de la zona euru se preparen ellos mesmos pa enfrentase a tales emerxencies nel futuru".

"Si queremos un euru con fuerza y estabilidá permanentes, y ésa yera ye la intención d'Alemaña, debemos dar más pasos hacia la integridá nel senu de la eurozona", apunta.