UVIÉU, 30 d'Ochobre (EUROPA PRESS)
El Centru Asturianu de Xinebra acueye esti sábadu los actos del Día de les Lletres Asturianes nel Esterior, entamáu dende va más d'una década pol Gobiernu del Principáu d'Asturies cola mira de promover y estender la llingua y cultura asturianes, y caltener el contactu cultural y llingüísticu colos colectivos de la emigración.
Como recuerda'l Gobiernu asturianu nuna nota de prena, va 35 años que se celebró por primer vegada n'Asturies la Selmana de les Lletres Asturianes, plantegada como un homenaxe institucional a los escritores, a les sos creaciones artístiques, a los llectores y al públicu. Al empar, en Suiza, país que foi ún de los destinos preferentes de la emigración española mientres los años sesenta, inaugurábase'l Centru Asturianu de Xinebra.
Paz Fernández Felgueroso, presidenta del Conseyu de Comunidaes Asturianes, y Ana M.ª Fueyo Llaneza, directora xeneral de Política Llingüística participen el próximu sábadu 1 de payares nesta celebración. Los actos van empezar a les 16:00 hores na sede del Centru Asturianu de Xinebra.
