La Comarca de la Sidra incorpórase a la Carta Europea del Turismu sostenible

UVIÉU, 03 de Xunetu (EUROPA PRESS)

La Comarca de la Sidra incorporóse a la Carta Europea del Turismu Sostenible, tres presentar la Direición de la Reserva Natural de la Ría de Villaviciosa, el 30 de xunu, la citada carta al sector turísticu llocal.

Según informó güei l'Asociación de Turismu Rural de la Comarca de la Sidra (Turisidre) en tona prensa, la puesta en marcha d'esti proyeutu requier un compromisu ente l'actividá turística y el restu de sectores del territoriu pa un desarrollu compatible cola conservación de los recursos d'esti territoriu.

La Cara Europea del Turismu Sostenible espeya la voluntá de favorecer un turismu que cumpla los principios del desarrolu sostenible. Poro, Turisidre estima "positiva" la decisión de la Direición de la Reserva d'entamar esi procesu d'incorporación a la carta.

Amás, les instituciones encargaes de la xestión de los espacios protexíos y de los profesionales del turismu van tartar de responder a les espectatives de los nuevos clientes europeos, dándo-y un nuevu sen al viaxar: el de tomase'l tiempu pa descubrir y conocer otres xentes, otros llugares y d'arriquecese con esi alcuentru.

Turisidre propunxo hai dos años esti procesu d'incorporación. Dende aquélla trabaya nel ámbitu del compromisu de certificación de los agospios rurales de la Comarca, nel marcu dela Rede Eceat, una rede europea que promueve l'usu sostenible del suelu y del desarrollu rural.