UVIÉU, 11 de Marzu (EROPA PRESS)
La Coordinadora Ecoloxista d'Asturies llamenta que'l Principáu diera'l preste al proyectu d'investigación minera "ensin estudiu d'impactu ambiental" pal aprovechamientu industrial de la caliza esistente nel Monte del Cobayu en Ribesella, que pretende la empresa Merybal Construcciones y Contratas titular de los terrenos, como güei publica'l BOPA.
Al traviés d'un comunicáu, el colectivu ecoloxista afirmó que sospriende que'l Conceyu de Ribesella, que se manifestó en contra de la cantera nos medios de comunicación, nun se personara con nenguna suxerencia tala como recueye'l Bopa.
"Esti vistu bonu del Principáu ye'l primer pasu pa sacar alantre la cantera", destacaron los ecoloxistes, qu'añadieron que nesta fase previa non solo la Coordinadora Ecoloxista manifestó la so oposición al proyectu, tamién solicitó midíes restrictives la Demarcación de Costes n'Asturies y el Serviciu de Mediu Natural de la Dirección Xeneral de Biodiversidá y Paisaxe del Principáu..
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)