SARAJEVO, 11 de Marzu (Reuters/EP)
El Tribunal Estatal para Crimes de Guerra bosniu imputó a trés ex soldaos bosnios musulmanes pol asesinatu d'una ventena de civiles y prisioneros croates mientres el conflictu armáu rexistráu ente les fuerces de Bosnia y Herzegovina --serbobosnios y musulmanes-- y los secesionistes bosnio-croates nel añu 1993.
Los acusaos --Mensur Memic, Dzevad Salcin y Senad Hakalovic-- formen parte del grupu de seis persones deteníes en septiembre sospechoses de crimes de guerra. "Según la imputación, los acusaos participaron na detención y execución de civiles de la localidá de Trusina (sur de Bosnia) y de soldaos croates que primeramente se rindieron", esplicó la oficina del fiscal Milorad Barasin.
Memic, Salcin y Hakalovic formaben parte de la unidá militar especial 'Zulfikar', autora del ataque en Trusina. Un total de 19 civiles y trés soldaos croates que se rindieren morrieron asesinaos, mientres qu'otros cuatro civiles, dos d'ellos menores, resultaron firíos.
(EUROPA PRESS INTERNACIONAL)
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)