UVIÉU, 13 de Mayu (EUROPA PRESS)
El voceru del PSOE na Xunta Xeneral d'Asturies (XXPA), Fernando Lastra, pidió esti llunes al PP "esplicaciones" y non "evasives" sobre la variante ferroviaria de Payares. Recordó que la infraestructura ye "responsabilidá esclusiva" del Gobiernu d'España y que la sociedá asturiana merez "información precisa" sobre lo que queda por facer.
"Nun tamos pidiendo esfuerzos titánicos y que tean fuera de les capacidaes técniques y presupuestariu de cualquier gobiernu, lo que queremos ye que se ponga orde a les prioridaes de la inversión pública n'infraestructures "qu'afecta a la nuesa comunidá", señaló Lastra, a preguntes de los periodistes nos pasiellos de la XXPA.
El voceru socialista consideró que'l PP d'Asturies tamién "tien la obligación" de pidi-y al Gobiernu d'España "el mesmu orde y claridá qu'esixen "los ciudadanos asturianos" nuna obra tan importante.
Nesti sen, Lastra pidió esplicaciones sobre'l tipu d'anchu que van tener les víes, si va haber que siguir usando l'anticuáu trazáu o si'l tráficu pola variante va ser mistu o namás de pasaxeros. "Toes eses coses hai qu'esclarales, nun son otros, nun son los misterios de la Santísima Trinidá", reclamó al PP.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
