UVIÉU, 12 de Marzu (EUROPA PRESS)
El Movimientu Social Republicanu n'Asturies (MSR) alvirtió güei de "la falta de rigor democráticu" de la Delegación del Gobiernu del Principáu, que prohibió la concentración que'l MSR pretendía celebrar mañana n'Uviéu baxo'l lema 'El trabajo: un derecho antes que un deber'.
Según los manifestantes esta falta de rigor "débese a que la Delegación del Gobiernu cedió a les presiones que grupúsculos d'estrema izquierda, violentos y descontrolaos, realizaron convocando una contra-manifestación pal mesmu día nel mesmu llugar, pa reventar un actu públicu en pro de los derechos sociales".
El MSR alcuentra "llamentable que se ceda al chantaxe de grupúsculos que presumen de llibertarios cuando en realidá representen la represión y la censura más escures dende los tiempos del estalinismu".
A lo último, el MSR aseguró que convocó según los procedimientos llegales una concentración pacífica y polos derechos de los trabayadores. "El grupúsculu de violentos convocó una marcha illegal contra la nuestra", añadieron.
Andalucía
Aragón
Cantabria
Castilla-La Mancha
Castilla y León
Catalunya
Extremadura
Galicia
Islas Canarias
Islas Baleares
Madrid
País Vasco
La Rioja
C. Valenciana
Navarra
Asturias
Murcia
Ceuta y Melilla
.png)