El PP propón el títulu de grau de Ciencies Ambientales y dos másteres pal campus de Barreo

MIERES, 11 de Marzu (EUROPA PRESS)

El PP de Mieres propunxo güei la puesta en marcha d'un títulu de grau en Ciencies Ambientales nel campus universitariu de Barreo. En concreto, los populares mierenses plantegaron esta opción puesto que, na so opinión, "podría atrayer estudiantes de rexones vecines como Cantabria y Galicia que nesti momentu nun disponen d'él".

Asina opinó güei'l diputáu y responsable de la xestora que dirixe'l partíu nel conceyu, Carlos Galcerán, qu'esplicó que les idees del PP nun queden ehí. En concreto, dende esti partíu púnxose tamién enriba la mesa la posibilidá de crear un Master n'Enerxíes Renovables "aprovechando la fundación de la enerxía que ta comprometida nos fondos mineros" pa Barreo. La propuesta del PP complétase con un Master en Loxística, Tresporte y Movilidá.

Galcerán esplicó, amás, que l'oxetivu tien de ser tamién "meyorar la relevancia internacional del campus de Mieres" pa lo que ye necesario, dixo, "apoyar convenios que fomenten l'intercambiu d'estudiantes y profesores y dexen espublizar la nuesa ufierta docente y investigadora".

Los representantes populares informaron que van poner enriba la mesa la propuesta na próxima xunta de trabayu col rector de la Universidá d'Uviéu, Vicente Gotor, que, de primeres, va celebrase'l próximu día 6 d'abril. Galcerán dexó claro, nesti sen, que dende'l PP apuéstase claramente pol futuru de Barreo, pero mostró'l so convencimientu de que la situación que viven les instalaciones educatives nun ye sólo responsabilidá de la universidá sinón tamién del Principáu.

El diputáu denunció, amás, el retrasu que sufren equipamientos como la residencia, l'edificiu d'investigación y el centru deportivu