PSOE y IU-BA-Verdes refuguen que'l tráficu del AVE ente Asturies y la meseta seya sólo de pasaxeros

UVIÉU, 5 de Febreru (EUROPA PRESS)

Los grupos parlamentarios de PSOE y IU-BA-Verdes na Xunta Xeneral d'Asturies (XPXA), refugaron güei una proposición del PP que solicitaba que'l trazáu ente La Robla (Lleón) y La Pola L.lena correspondiente a la variante ferroviaria de Payares, polo que circulará l'AVE fuere esclusivamente pa usu de pasaxeros y non pa tráficu mistu (pasaxeros y mercancíes).

El voceru del PSOE, Fernando Lastra, dixo que'l so grupu defende un tráficu "ordenáu" ente viaxeros y mercancíes, dada la "vocación industrial" d'Asturies. Amás, criticó al PP por siguir col so mensaxe "propagandísticu en rellación dal AVE, y dixo que na planificación de la infraestructura, cuando gobernaba'l PP y Francisco Álvarez-Cascos yera ministru de Fomentu yá se contemplaba que'l trazáu de la nueva variante permitere'l tráficu de mercancíes. "Asina lo plantega l'estudiu informativu", aseguró Lastra, que se remitió a una conferencia de prensa del ex ministru nel 2003, onde se falaba de previsiones de tráficu de mercancíes.

El defensor de la proposición que refugó foi'l diputáu del PP, Pelayo Roces, que dixo que'l tráficu mistu, pa pasaxeros y mercancíes, reportaría "desventayes" pola carestía y el caltenimientu y daños qu'esperimentaríen les víes y instalaciones que se tán construyendo. Roces dixo qu'Asturies nun pue acpetar conformase con una AVE "de segunda", y señaló que los técnicos aconseyen que'l pasu pela variente asina como'l trazáu de La Pola L.lena-Xixón seya esclusivu pa tráficu de pasaxeros.

Igual que'l PSOE, el voceru d'IU-BA-Verdes, Jesús Iglesias, tamie*n se mostró contrariu a los argumentos de Roces. Resaltó que lo importante ye qu'Asturies tenga una conexón con Madrid con una duración relativa a les trés h ores. "Nun podemos aspirar que los tráficos de viaxeros d'Asturies a Madrid seyan los mesmos que los que se producen col sur, la clave ta en potenciar les conexones que permitan potenicar los tránsitos de mercancíes", algo que Jesús Gutiérrez asoció al futuru del Puertu d'El Musel (Xixón).

Asina, comentó que caltener el vieyu trazáu pa les mercancíes siguiría condenando a la rexón a un 'cuellu de botella'. Plantegó que les mercancíes puean pasar a otra hora que los trenes de pasaxeros.

Sicasí, la posición del PP nun se refugó íntegramente. Por unanimidá aprobóse'l párrafu de la mesma pol que la Xunta Xeneral pide un AVE "de primera" pal trazáu ente la meseta y Asturies.