Donostiako Udalak ireki du udako kanpainako kirol jardueretan izena emateko bigarren fasea

DONOSTIA 28 May. (EUROPA PRESS) -

Udako kanpainako izen-emate prozesuaren lehendabiziko fasea bukatuta, Donostia Kirola erakundeak izena emateko epe berri bati hasi du, aurreko astean egindako zozketaren ondorioz plaza libreak dituzten ikastaroetarako, baita aretoko jardueretarako ere, lehendabiziko aurretiko izen-emate fase horretan sartu ez ziren jarduerak, alegia.

Aurretiko izen-emate fase horretan, 10.000 eskaera baino gehiago jaso dira (pertsona bakoitzak lau aukera aurkez zitzakeen), eta horietatik 5.200 pertsonek bere plaza baieztatu dute dagokion kuota ordainduta. Halere, hirian udan zehar antolatuko diren ikastaroetarako oraindik plaza asko libre gelditzen direnez, asteazken honetatik aurrera izen-emateak egiteko epea irekiko da.

Izen-emate hauek, jarduera gehienetarako, Donostia Kirola erakundaren web-orriaren bitartez egin ahal izango dira (www.donostiakirola.org), baita klubek eta beste erakundeek horretarako jarri dituzten bulegoetara bertaratuta ere.

Gainera, egun horretatik aurrera, kiroldegietan antolatu diren aretoko jardueretarako izen-emateak ere egin ahal izango dira, hauek aurretiko izen-emate fasean ez baitziren sartu.

Era honetan, aerobik, ziklo-indoor, pilates, gimnasia 60 plus, yoga eta horrelako jardueretan interesa duten pertsonek, udan zehar ere antolatu diren hilabeteko zein hiruhileko ikastaroetan izena emateko aukera izango dute asteazkenetik aurrera. Jarduera hauetarako, izen-ematea bakarrik aurrez aurre egin ahal izango da, Donostia Kirola erakundearen bulegoetan zein jarduera horiek antolatzen diren kiroldegietan ere.